Gaur jokatu da emakumeen sailkapen proba Kontxako uretan. San Juan izan da azkarrena erlojuaren aurka. Eskualdeko arraunlariek hirugarren postua lortu dute, 3 segundora. Tartean Astillero geratu da, hauek ere, 3 segundora. Sailkatu diren gainontzeko ontziak Astillero, Orio, Hibaika, Donostiarra eta Zarautz izan dira.
Zazpi talde horiek izango dira hurrengo bi igandeetan faborito nagusiari aurre egiten saiatuko direnak. Arraun Lagunakek iganderako txartela lortua zuen, Donostiako talde onena izaki.
Ramon Erostarberen eskualdeko neskei dagokienez, itzulerako luzean erosoago aritu dira, joaneakoan baino. Hala eta guztiz ere, helburua hutsik ez egitea zen eta Kontxako banderaren lehian egongo dira.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?