Biharko astekariko protagonista Ramon Olasagasti berrobitarra da. Kazetaritza, itzulpengintza, literatura eta komikigintza uztartu ditu urteotan Olasagastik, baina hari guztiak lotzen dituen ardatza mendia izan da beti. 'Berria'-ko mendiko ataleko arduradunak bere ibilbide profesionalaz, 'Mendiminez' liburuaz, euskal mendizaletasunaren historiari eskainitako komikiez eta euskararen egungo egoeraz hitz egin du bihar argitaratuko dugun elkarrizketan. Gainera, udazkenean Donostian ikusgai izango den lau komikien erakusketaren xehetasunak ere aurreratu ditu.
