Datorren astelehenetik —hilaren 29tik— ostiralera —uztailaren 3ra— erabat itxita egongo da Alegia eta Altzo lotzen dituen GI-3620 errepidea. Bide horretako galtzadaren zati bat hondoratu egin da, eta hori konpontzeko lanak egingo dituzte datorren astean. Lanen izaera dela-eta, errepidea erabat itxita egongo da bi noranzkoetan, eta ibilgailuek ezingo dute zirkulatu eragindako zatian.
Hori horrela, errepidea moztuko dute asteleheneko —ekainaren 29ko— 08:00etan, eta lanak bukatutakoan, ostiraleko —uztailaren 3ko— 17:00etan zabalduko dute. Mozketak iraun bitartean zirkulazioa Altzo Azpiko GI-3071 errepidetik desbideratu ahal izango da.