Tolosaldea traineruak bigarren postua lortu du asteburuan Euskadiko Txapelketan. Zortzi ontzik parte hartu dute, eta eskualdeko traineruaren aurretik sailkatu da Donostia Arraun lagunak. Hirugarren bukatu dute San Juan trainerukoek.
Lehenengo txandan parte hartu du Tolosaldeak eta azkarrena izan da. Ziabogan 5.46ko denbora egin du, eta helmugan 11.31koa. Donostia Arraun Lagunak eta San Juan bigarren txandan lehiatu dira, eta ziabogan donostiarrak izan dira azkarrenak, 5.46 eginda, eta helmugan 11.24 egin dute. San Juan traineruak, berriz, ziabogan 5.53 egin du, eta gero 11.36 egin du helmugan.
Euskadikoa jokatu baino astebete lehenago, Gipuzkoakoa izan zen jokoan. Orduan ere Donostia Arraun Lagunakek irabazi zuen, eta Tolosaldea hirugarren izan zen. San Juan bigarren izan zen.