Donostiako akuariora irteera egin dute Albizturko, Bidania-Goiazko, Beizamako eta Errezilgo herritarrek. Saiaz Mankomunitateak antolatu du ekimena Bidania-Goiazko liburuzainaren laguntzarekin, eta hogeita hamar lagun inguru izan dira.
Herri horietako hainbat zerbitzutan eta programetan hartzen dute parte herritar horiek, hain zuzen, Tipi Tapa ekimenean, Eguneko Zentroan eta Eguneko Arretan. Antolatzaileen hitzetan «egun pasa ederra» izan dute, eta ekimena «oso aberasgarria» izan da herritarren arteko harremanak sustatzeko, adiskidetasun sareak sortzeko, zaintzaileei «atseden pixka bat» emateko eta bizitza aktiboa sustatzeko.
