Herriarteko Pilota Txapelketako final-zortzirenetan eskuzko modalitatean eskualdetik Adunak bakarrik egin du aurrera asteburuko itzulerako jardunaldiak jokatu eta gero. Albiztur kanpoan geratu da, joanekoan 2-1 irabazten ari bazen ere, eta Amasa-Villabonak eta Amezketak ere aurtengo ibilbidea amaitu dute.
Adunak 2-1 irabazi zuen Zestoaren aurka etxean joaneko jardunaldian, eta itzulerakoan 3-0 irabazi du Zestoan. Adunarren aurkaria final-laurdenetan Zaldibia izango da. Albizturrek abantaila bazuen ere, 2-1 irabazi ondoren etxean Zaldibiari, itzulerakoan 3-0 galdu du eta kanpoan geratu da. Amasa-Villabonak 1-2 galdu zuen Bergararen aurka etxean, eta itzulerakoan ere 2-1 galdu du. Amezketak Azpeitia izan du aurkari, eta etxean 1-2 galdu eta gero, itzulerakoan 3-0 galdu du.
Gomazko paletan ere final-zortzirenak jokatu dituzte, eta parte hartzen ari diren eskualdeko hiru herriek egin dute aurrera. Alegiak Oiartzun kanporatu du, guztira 6-0 irabazita. Tolosak bi jardunaldiak irabazi dizkio Lasarte-Oriari 2-1eko markagailuarekin. Orain eskualdeko bi herriek elkarren aurka jokatuko dute final-laurdenetan. Anoetak Donostia izan du aurkari, eta azkenean tanto kopuruengatik pasatu du kanporaketa. Etxean 2-1 irabazi zuen, eta asteburuan 2-1 galdu du. Orain Andoain izango dute aurkari.