Palestinarekin Elkartasuna elkarteak kotxe karabana egin zuen atzo, Global Sumud flotillari elkartasuna adierazteko. Izan ere, aste honetan, Israelgo armadak ontzidi horretako 428 kide atxilotu ditu nazioarteko uretan, Zipretik hurbil, eta horietako bat da Tolosako Lino Figueroa.
Atxilotuak Israelen zeuden kartzelatik atera dituzte, eta deportazio prozesua hasi dute. Deportazioa aktibatu da, hain justu, Israelgo Segurtasun Nazionaleko ministroa den Itamar Ben Gvir ultraeskuindarra ageri den irudi batzuk zabaldu eta hurrengo egunean. Irudi horietan, Israelera iritsi ondoren atxilotutako flotillako kideak umiliatzen ageri da. Belauniko eta eskuak lotuta ikus daitezke.
