Atzo goizaldean 37 urteko emakume bat hil zen Iruñeko Sanduzelai auzoan, etxe bateko hirugarren solairutik erorita. Iruñeko Udaltzaingoak gizonezko bat atxilotu du, emakume horrengandik ezarritako urruntze agindua urratzeagatik; zer gertatu den ikertzen ari dira. Hain zuzen, gertatutakoa argitu artean, «zuhurtzia» eskatu du Iruñeko Udalak. Horrekin batera, babesa helarazi diete hildakoaren familiari eta lagunei.
Euskal Herriko mugimendu feministak hilketa matxista salatu du, eta mobilizatzeko deia egin die herritarrei. Gogoratu du, bestalde, 2026. urtea hasi denetik Euskal Herrian eraildako hirugarren emakumea dela Iruñekoa.
Tolosaldean, honako mobilizazioak egingo dira asteartean, apirilaren 14an:
-
Villabona-Zizurkil
- 18:30. Oinezkoen zubian
-
Anoeta
- 19:00. Plazan.
-
Berastegi
- 19:00. Plazan.
-
Tolosa
- 19:00. Trianguloan.
