Irudimena izan da protagonista aurten ere eskualdeko inauterietan, eta ATARIAk aurten antolatutako Inauterietako Mozorro Lehiaketan saridunak aukeratu dira:
Epaimahaiaren saria lortu duena, Libe Minerrek bidalitako Amiano dendako zaldiko maldikoa mozorroa izan da. Berak Nekaturrek eskainita, Nekaturreko edozein ostatutan erabili ahal izango den 90 euroko balioa duen opari txekea jasoko du sari moduan.
Ataria.eus-eko erabiltzaileen saria, irakurleen 312 bozka lortu ondoren, Auzokoen patioa mozorroa izan da, Mertxe Adurriagak bidalita. Baliarraingo Zartagin 2 pertsonarentzat otordua izango da bere saria.
Auzokoen patioa
Parte hartu duten Atarikideen artean ere Casa Eceizako produktuez osaturiko kaxa bat zozkatuko dugu, eta sariduna Juanan Dorronsorok bidalitako Berdura plazako bigarren eskatzian mozorroa izan da.
Berdura plazako bigarren eskatzian
OHARRA
Ohar gisara adierazi beharra dago ATARIAko epaimahaiak Ataria.eus-eko erabiltzaileen saritik 2 argazki lehiaketatik kanpo uztea erabaki duela argazkiari dagozkion botoak webgunearekin loturiko bisitekin, jatorriarekin eta mekanikarekin kontrastatuta ez direlako inondik inora bateragarriak, eta horrela jakinarazi zaie egileei.
Garbi utzi nahi da ATARIAk horrelako ekimenak ez dituela lehia sortzeko sustatzen eta horrelako erabakiak hartu behar izatea ez dela batere atsegina komunikabidearentzat.
SARI BANAKETA ETA ERAKUSKETA
Bihar, ostirala, 18:30ean, Tolosako 3 tabernan, lehiaketan jasotako argazkien erakusketa egingo da. Ekitaldi berean, sari banaketa egingo da, eta giroa laguntzeko, pintxoak ere egongo dira. Gainera, erakusketara bertaratzen direnen argazkia eskuratzeko aukera izango dute ekitaldian bertan.
Eskerrik asko parte hartzaile guztiei, eta baita bozka eman dutenei ere.