Eskuz banaka nagusien 2. mailan Behar Zana elkarteko Iñaki Elolak 32-40 irabazi zion Abantzu elkarteko Oier Alonsori. Jubeniletan bi finalistak Behar Zana elkartekoak izan dira, eta Unai Zufiriak 20-35 irabazi dio Peru Cestauri. Kadete mailan ere Behar Zana elkarteko pilotariak izan dira lehen bi postuetan: Xuhar Iparragirrek 30-12 irabazi dio Aier Iraolari.
Xarean nagusien mailan Ametsa elkarteko bi bikote lehiatu dira txapelaren bila. Unai Gibelalde eta Oier Iturbe izan dira irabazleak, finalean 28-40 gainditu baitituzte Matxalen Mendizabal eta Markel Mujika.
Bestalde, Udaberri Sariko zesta-puntako finalak jokatu dira, eta jubenil mailan eskualdeko ordezkaritza izan da. Beotibar elkarteko Amets Igerategi eta Artetz Larrañaga bikoak 0-2 galdu du Gazteleku elkarteko Xabat Olano eta Danel Polo bikoaren aurka.