Espainiako Taldekako Mus Txapelketa jokatu dute asteburuan Ponferradan (Espainia), eta Langostinos taldeak irabazi du. Museko bost bikote lehiatu dira talde irabazlean, tartean Xabier Goikoetxea Iparre amezketarrak eta Iker Elizegi Patax asteasuarrak osatutakoa. Gainerako bikoteak Dani Garciak eta Peritzak, Gorkak eta Inharrek, Josuk eta Paulek eta Beñatek eta Aginagak osatu dituzte.
Musean hamabi txanda jokatu dituzte irabazleek, eta horietatik hamaika irabazi dituzte, hasieratik aurreneko postuan kokatuz. Orotara bosna bikotez osatutako 45 talde aritu dira txapelketan lehian, 450 bat mus jokalari.