Jokin Tolosa anoetarrak irabazi du Aiako XV. Mendi Lasterketa 1.29.18ko denborarekin. Aurten proba bakarra egin ordez bi antolatu dituzte, luzea 17,7 kilometrokoa eta motz 8 kilometrokoa. Luzean lortu du garaipena Tolosak, eta Mikel Usandizaga aiarra (1.29.55) eta Unai Martinez azpeitiarra (1.30.31) izan dira bigarren eta hirugarren. Leire Elola tolosarrak bigarren postua lortu du proba luzean 1.51.23ko denborarekin, eta oso gertu izan du irabazlea izan den Irati Larrañaga usurbildarra (1.51.08). Hirugarrena June Agirrezabalaga zarauztarra (1.53.43) izan da.
Proba motzean Mattin Intxaurrondo berastegiarra hirugarren izan da 42.28ko denborarekin, eta aurretik bi donostiar izan ditu: Eneko Mariño (41.03) eta Harkaitz Irazusta (42.23).
Argazkiak: Arnaitz Rubio Aprea/GUKA