Gaur hasi da Alegiako osasun zentroa Erbeta parkean kokaturiko behin-behineko eraikinean zerbitzua ematen. Aste honetan egin dituzte lekualdatzeko lanak, eta gaur hasi da Alegiako anbulatorioa erabiltzaileei zerbitzua bertan ematen.
Behin eraikin zaharra hustuta, eremu horretan egin beharreko zaharberritze lanak hasiko dituzte. Alegiako Udaletik gogorarazi dute osasun zentroa berritzearekin batera zaharberrituko dutela jubilatuen taberna ere, eta, horrez gain, hiri igogailu bat ere ezarriko dutela.