Play-off gogor batzuen ondoren, Jakak eta Iztuetak lortu dute sailkatzea finalerdietarako, atzo Zabalari eta Martijari irabazi eta gero. Aurretik Altuna III.ak eta Ezkurdiak lortu zuten sailkapena. Hori horrela, asteburuan jokatuko dira finalerdietako lehen jardunaldiko bi partidak. Aspeko bi bikoteak elkarren aurka ariko dira larunbatean Atano III.ean: Altuna III.a-Ezkurdia eta Elordi-Zabaleta. Baikoko bi bikoteen artekoa Nafarroa Arenan jokatuko da igandean: Jaka-Iztueta eta Laso-Albisu.
Bigarren mailan, eskualdekoak elkarren aurka
Asteburuan ere jokatuko dira Serie B txapelketako finalerdien lehen jardunaldiko bi partidak. Eskualdeko pilotariak elkarren aurka ariko dira ostiralean Orozkon: Peña II.a-Salaberri II.a eta Murua-Gabirondo. Beste partida larunbatean jokatuko da Baños del Rio Tobian (Errioxa) larunbatean: Dario-Loza eta Salaberria-Gaskue.