Itsasuko pilotalekuan jokatu da binakakoaren jardunaldia. Erasunen partida orekatua eta erritmo bizian jokatutakoa izan da: lau pilotariak oso ondo aritu dira, baina azkenerako zizurkildarra nabarmendu da. Partida ikaragarria jokatu du, are gehiago bere aurrelari Ibarrolak belaunean kolpe bat hartu eta bere errendimenduak zertxobait behera egin eta gero. Ordura arte lan bikaina osatzen ari zen Ibarrola ere.
Parean, Goiuri Zabaletak ere partida handia jokatu du, tanto oso ederrak amaitzeaz harago, berak eutsi dio partidari azken txanpara arte, baina bere atzelariak ez dio behar besteko laguntzarik eman eta 22-17 galdu dute. Puntu bereziki garrantzitsua izan da Ibarrola-Erasunentzat, aurkarien aurretik jarri baitira sailkapenean.
Beste partida bat ere jokatu zen Itxasun: Arrizabalaga eta Bergara bikoak 22-6 irabazi zien Etxegarairi eta Betegiri.