Aiztondoko Euskal Eskola Publikoaz Harro! plataformak talde argazkia atera du Villabonako Arroa auzoan. Talde argazkirako bailarako zortzi eskoletako zuzendaritza taldeko kideak eta hainbat familia azaldu dira.
Aiztondo bailaran honako ikastetxe publikoak daude: Villabonako Erniobea BHI eta Fleming herri eskola; Zizurkilgo Pedro Mari Otaño eta Mendigain herri eskolak; Asteasuko Pello Errota; eta Larraulgo, Alkizako eta Adunako eskolak.
Ideiak argi, etorkizuna garbi lelopean atera dute kartel bateratua eta bertan ageri diren pentsamendu loreak eraman ditu eskola bakoitzak bere eraikinera, kartelarekin batera.