Urtezahar egunean urtero egin ohi duten bezala Aiztondoko herritarrek euskal preso, iheslari eta deportatuen aldeko aldarria eramango dute kaleetara. Manifestazioa 18:30ean hasiko da Zizurkilgo Joxe Arregi plazatik eta Villabonako Erreboteko plazan bukatuko da.
Besteak beste, antolatzaileek nabarmendu dute mobilizazio horretan Oskar Zelarain, Karlos Besance eta Manex Castro billabonatarrek etxean izateko duten beharra aldarrikatuko dutela. Ezin da gehiago luzatu leloa eramango du manifestazioak eta bertan parte hartzera gonbidatu dituzte Aiztondo bailarako herritarrak.