Eusko Jaurlaritzak euskararen erabileraren aitortza ekitaldia egin du, eta bertan erakunde publiko eta pribatuek euskararen kudeaketan eta garapenean eman dituzten aurrerapausoak nabarmendu dituzte, Bikain kalitate ziurtagiriekin eta harrobi diplomekin. Ekimen honekin, euskararen normalizaziorako pausoak egiten dituzten ahalik eta entitate gehienen aitortu nahi dituzte, euskararen normalizazioa erakunde gehiagotara heltzeko apustua eginez.
Bada, aurtengo ekitaldian, 75 entitate publikok eta pribatuk jaso dute ziurtagiria —iaz 44 izan ziren—. Tartean, Amasa-Villabonako eta Lizartzako udalek jaso dute Bikain ziurtagiria, eta Beatriz Unzue Esnaola Amasa-Villabonako alkatea eta Iñaki Azpiroz Beldarrain Lizartzako Alkatea ekitaldian izan dira.