Binakako Pilota Txapelketaren laugarren jardunaldia jokatu dute asteburuan, eta oso parekatua dago sailkapena. Sailkapenaren buru Laso-Albisu eta Elordi-Zabaleta doaz, bikote bakoitza hiru garaipenekin. Ondoren, bost bikote daude bi garaipenekin: Altuna III.a-Ezkurdia, Larrazabal-Mariezkurrena II.a, Zabala-Martija, Jaka-Iztueta eta Artola-Imaz. Atzean geratzen ari dena Peio Etxeberria-Rezusta bikoa da, garaipenik ez baitute lortu.
Eskualdeko pilotariak dauden bikoteetatik Artola-Imaz bikoak irabazi egin zuen, eta Jaka-Iztueta eta Altuna III.a-Ezkurdia bikoek galdu. Artola-Imaz bikoteak 22-15 irabazi zion Zabala-Martijari Urretxun, Jaka-Iztuetak 12-22 galdu zuen Elordi-Zabaletaren aurka Mallabian, eta Altuna III.a-Ezkurdiak, berriz, 19-22 galdu zuen Larrazabal-Mariezkurrena II.aren kontra Bilbon. Beste partidan Laso-Albisuk 22-17 irabazi zion P. Etxeberria-Rezustari Nafarroa Arenan.
Serie B Txapelketa
Bigarren mailako txapelketan sailkapenak eskailera itxura du. Eskualdeko pilotariak dauden bikoteei dagokienez, Murua-Gabirondo bikoa bigarren dago hiru garaipenekin, Peña II.a-Salaverri II.a laugarren bi garaipenekin, eta Senar-Ugartemendia zazpigarren, partida bakarra irabazita. Senar-Ugartemendiak 22-6 galdu zuen Salaberria-Gaskue bikoaren aurka Nafarroa Arenan. Bestalde, Murua-Gabirondo bikoak 21-22 irabazi zion Peña II.a-Salaverri II.a bikoari Mallabian.