Tolosako Gabonetako azokaren barruan, abenduaren 20an, ATARIAk umeentzako hazi tailerra egingo du aurten ere. Tailer horren bidez, egunkari zaharrei bigarren bizitza emateko modu dibertigarria erakutsiko du, birziklapenaren eta ingurumenarekiko arduraren garrantzia azpimarratuta.
Aurten ere, egunkari zaharrak loreontzi bihurtuko ditu beraz, eta bertan hazia landatuko du. Jarduerak etxeko txikienei naturarekiko lotura indartzen eta birziklatzearen balioa ulertzen lagunduko die.
- 📅 Data: Abenduak 20
- 📍 Tokia: Tolosako San Frantzisko eliza parean
- 🕒 Ordua: 11:30 - 13:00
Tailerra doakoa da, baina antolaketa errazteko, komeni da aurrez izena ematea ataria@ataria.eus-era idatziz.
Gainera, azokan bertan Errigora saskia zozkatuko du. Sariduna azoka amaieran, 13:00etan, jakinaraziko du, eta irabazleak saskia bertan jasoko du.