Urriaren 26an egin zuten saioak eman zuena azaldu du: «Elkar ezagutzeko tarte bat izan behar zuela ikusi genuen, eta denek entzuteko prest zetozela esan zuten. Ariketa batzuk planteatu nizkien, elkar ezagutu, saretu eta esperientziak partekatzeko, eta lehen puntu horretan igaro genituen lau orduak. Oso aberatsa izan zen».
Belaunaldi ezberdinetako partaideak elkartu ziren eta batetik bestera oihartzun handia egon zela kontatu du: «Bakoitzak bere ibilbidean zein irakurketa egiten duen ikusi genuen: hurrengo belaunaldietan bere burua erreferente zela konturatzea oso berezia izan zen, eta gazteek haien ibilbidetik igaro diren pertsonen bizipenak ezagutzea ere aberatsa izan zen».
Iguaranek esan du gehiagorako gosez geratu zela jendea, eta izango duela ekimenak jarraipena.