Goizean, Tolosako Plaza Zaharrean, ekitaldi instituzionala egin dute. Besteak beste, bertan izan dira Andu Martinez de Rituerto Tolosako alkatea eta Igor Zapirain Ibarrako alkatea. Lehen hitz horien ondoren, pentsiodunak eta erretirodunak martxari ekin diote. Lau kidez osaturiko 100 taldetan antolatu dituzte, eta Ibarrara joan ondoren, berriro Tolosara itzuli dira, Euskal Herria plazara.
Han, txistulariekin dantzan ibili dira, bazkaltzera Zerkausira joan aurretik. Datorren urteko martxa Hernani eta Astigarraga artean egingo dutela aurreratu dute.
