Nagusien lehen mailan, Intxurreko Nagore Murua Olanok eta Uxue Olano Aranaldek ezin izan zuten txapela jantzi, 30-13 galdu baitzuten Hernani 2ko Garazi Eizmendi Iribarren eta Nahia Eizmendi Iribarren aurka.
Nagusien bigarren mailan, Behar Zanako Araitz Aldazabal Gabarain eta Haizea Aldazabal Gabarain izan ziren irabazleak, Iruleak elkarteko Amaia Aizpuru Aldalurri eta Maite Mugartegi Grañari 30-28 irabazi ondoren.
Jubeniletan Behar Zana elkarteko bi bikoteren arteko finala jokatu zuten. Behar Zana 2ko Izar Gastañazatorre Aldazabal eta Maddi Lasa Elduaien izan ziren irabazleak, eta 30-23 gailendu zitzaien Behar Zana 3ko Uxue Etxarri Aranburu eta Irati Goikoetxea Orbegozori.