Kamioi bat matxuratu da 08:00ak aldera N-1 errepidean, Andoain parean, eta errei bat itxita geratu da. Donostiarako norabidean gertatu da ezbeharra eta, ondorioz, auto-ilara luzeak sortu dira.
Eusko Jaurlaritzako Trafiko Zuzendaritzak jakinarazi duenez, 14 kilometrorainoko ilarak sortu dira bidearen edukiera murriztu egin delako eta ordu horretan zirkulazioa oso handia izan delako.
[Eguneraketa - 09:21]
Dagoeneko zabalik daude bi erreiak, baina oraindik auto-ilara luzeak mantentzen dira.
[Eguneraketa - 10:51]
Eusko Jaurlaritzako Trafiko Zuzendaritzaren arabera amaitu dira auto-pilaketak.