Gipuzkoako Foru Aldundiko Jasangarritasun Departamentuak jakinarazi du Villabona eta Irura artean N-I errepidea erabat moztuko dutela gaur 22:00etatik biharko 06:00ak arte, bi noranzkoetan, bi herriak lotuko dituen oinezkoentzako eta bizikletentzako pasabide berria hormigoitu behar dutelako. 440,5 kilometro-puntuaren parean itxiko dute errepidea (34 poligonoa).
Gainera, Donostiarako noranzkoan segurtasun-hesiak ainguratuko dituzte. Beraz, lan horiek amaitu arte erreia itxita egongo da. Gasteizko noranzkoa, berriz, hormigoiztatze-lanak amaitu ondoren irekiko dute. Lanek irauten duten bitartean, zirkulazioa industrialde paraleloetako bideetatik bideratuko dute.