Igandetik aurrera, hortaz, goizago argituko du egunak, eta, era berean, lehenago ilundu. EBk estatu kideentzako ordu aldaketa ezarri zuen 2001ean. Geroago, 2018an, Europako Batzordeak ordutegi aldaketa bertan behera uztea onartu zuen, galdetutako 4,6 milioi europarren %84arekin adostu ondotik.
2019an, Europako Parlamentuak berretsi egin zuen erabakia, eta urtebeteko epea ezarri zuen proiektua gauzatzeko. Ezinezkoa izan zen gauzatzea, eta 2021era atzeratu zen, gaurdaino, eta ordu aldaketak indarrean jarraitzen du.
Edonola ere, Espainiako presidente Pedro Sanchezek ordutegi-aldaketarekin behin betiko amaitzea proposatu dio Europar Batasunari asteon: «Zientziak esaten digu ez dela energia aurrezten, eta azaldu du urtean bi aldiz aldatzen dituela gure 'erritmo biologikoak'».
