Ixilpen kirol klubak joaneko autobusa antolatu du azaroaren 9an egingo den Behobia-Donostia lasterketarako. Autobusa joanekoa bakarrik izango da, ez da itzulerakorik izango. Autobus bat bete da dagoeneko, eta bigarren bat antolatzen ari dira Tolosa-Villabona-Behobia ibilbidearekin. Prezioa 10 eurokoa da eta autobusa 08:15ean aterako da Tolosako Santa Klarako geltokitik.
Ixilpen klubeko kide direnentzat eta ez direnentzat antolatu dute. Erreserba egiteko, klubeko Instagrameko kontu ofizialera (@ixilpen) mezu bat bidalita edo ixilpengrupeta@gmail.com helbidera mezua bidalita egin daiteke. Erreserba egin ondoren, 24 ordu izango dira ordainketa egiteko, bestela lekua galdu egingo da.