Gernika-Palestina Herri Ekimenak deituta, milaka euskal herritarrek egin dute bat ehun herri baino gehiagotan antolatutako mobilizazioekin. Palestinako genozidioa salatzeko helburuz, elkarretaratze zaratatsuak egin dituzte, tartean, eskualdeko 13 herritan. Lapiko, zartagin edota eltzeak sukaldeko tresnekin kolpatu dituzte herritarrek, zarata atera asmoz.
Tolosan, gainera, sirena hotsak entzun dira ekitaldiaren hasieran eta amaieran, eta tartean, Nekane Artolazabal herritarrak Husam Ma'rufek (Gaza, 1981) Facebook sare sozialean argitaratutako hiru testu irakurri ditu.
