Palestinaren aurkako genozidioa gelditzea eskatzeko mobilizazioak deitu ditu Gernika-Palestina Herri Ekimenak. Eskualdean Tolosan, Berastegi, Villabonan, Ibarran, Zizurkilen, Alegian, Anoetan, Iruran, Asteasun, Amezketan, Lizartzan, Aduna eta Ikaztegietan egingo dituzte elkarretaratzeak, 19:00etan.
Gernika-Palestina Herri Ekimeneko Eneko Gerrikabeitia kideak azpimarratu du genozidioaren biktima nabarmenak izaten ari direla medikuak, umeak eta baita kazetariak ere, Israelek lekukorik nahi ez duenaren adierazle. Gehitu du gosetea lur emankorraren metro gutxira ari dela ematen eta Israelgo armada eta kolonoak nekazarien uztak izorratzen ari direla.