Tolosaldeak IKT igeriketa taldeak zabalik du ikasturtean izena emateko aukera. Horri begira, saio irekiak antolatu ditu datorren astean, 6 urtetik gorakoentzat. Irailaren 3an eta 4an egingo dira, bai Tolosako Usabal igerilekuan bai Villabonako Olaederra igerilekuan. 18:00etan hasiko dira saioak bi egunetan, eta hitzordua egingo dute 17:45ean kiroldegian sarreran.
Bestalde, master taldea ere izango dute aurten. 18 urtetik gorako igerilariez osatua dago, eta helburua da igeriketa maila hobetzea. Maila desberdinetara egokitua izango da eta igeriketako teknikari adituekin. Tolosan zein Villabonan astean zehar hiru saioa egingo dira.
Informazio gehiago eta zalantzak argitzeko 688 807 405 zenbakira deitu edo teknikariak@tolosaldeaikt.eus helbidera idatzi daiteke.