Ekainean izandako euriteek sortutako kalteak konpontzeko itxiko dute bidea. Lanek astebete irautea aurreikusten dute.
Izaskunera doan mendi-bidea itxita izango da gaurtik aurrera, ekaineko euriteek eragindako kalteak konpondu ahal izateko. Luiziak izan ziren, eta oinezkoen mendi bidea oztopatzen dute. Hori horrela, bidea garbitzeko lanak gaur hasiko dituzte, Tolosako eta Ibarrako Udalek sustatuta.
Arduradunek aurreratu dutenez, lanek astebete iraungo dute gutxi gorabehera. Tarte horretan, bidea itxita egingo da mendizaleentzat, autobidearen ondoko eskaileretatik.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!