Tropeleko txirrindulari onenak Ikaztegieta, Alegia, Amezketa eta Abaltzisketan barrena ibili dira goizean zehar, eta horien artean aurkitzen ziren eskualdeko bi txirrindulari: Gorka Sorarrain, Caja Rural taldeko txirrindulari tolosarra, eta Unai Iribar, Kern Pharma taldeko txirrindulari ibartarra.
102. Ordiziako Klasikoa Lasterketa izan da jokoan goizean, eta munduko txirrindulari onenek 167 kilometroko ibilbidea osatu behar izan dute, zirkuitu bera bost aldiz eginez. Igor Arrieta uhartearrarentzat izan da garaipena. Isaac Del Toro mexikarra izan da bigarren, eta Antonio Morgado portugaldarra hirugarren. Podiumera igo diren hiru txirrindulariak talde berekoak izan dira, UAE taldekoak hain zuzen. Unai Iribar ibartarra 27. postuan helmugaratu da, Arrietarengandik 57 segundora. Gorka Sorarrain tolosarra, berriz, 66. postuan amaitu du proba.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!