Abuztuaren 19tik 22ra, Bilboko Bizkaia pilotalekuan jokatuko da Bilboko Aste Nagusia Torneoa, eta eskualdeko bost pilotarik jokatuko dute txapelketa. Abuztuaren 19an, Altuna III.ak eta Martijak Elori-Zabaleta bikotearen aurka jokatuko dute Serie A mailako lehen finalerdia; aurrez, Serie B mailako txapelketan, Xabier Tolosa anoetarrak, Muruarekin batera, Salaberria-Eskuza bikotearen aurka jokatu dute lehen finalerdian.
Hurrengo egunean izango dira beste bi finalaurrekoak. Serie A mailan, eskualdeko hiru pilotari ariko dira nor baino nor: Erik Jaka eta Mariezkurrena II.a Iñaki Artola eta Martxel Iztuetaren aurka. Jaialdiko lehen partidan, Alberdi II-Aranguren eta Senar-Morgaetxebarria bikoteek Serie B mailako finalerdia jokatuko dute. Finalak abuztuaren 22an izango dira.