Pilotako Euskal Selekzioak, Esku Pilotaren Nazioarteko Konfederazioaren egutegian kokatutako 2025-2026 denboraldiko lehen bi txapelketetan parte hartuko du. Txapelketa horiek jokatzeko, Behar Zana Pilota Elkarteko hiru pilotari hautatu dituzte. Batetik, abuztuaren 26tik 30era, One Wall modalitateko Munduko Txapelketa jokatuko da, Leeuwardenen (Herbehereak), eta bertan parte hartuko du Miren Larrarte bidaniarrak, emakumezkoen senior kategorian.
Bestetik, junior mailako Europako Txapelketa izango da. Irailaren 3tik 6ra bitarte jokatuko da, Athen (Belgika). Txapelketa horretan, Behar Zanako Unai Zufiriak eta Xuhar Iparragirrek parte hartuko dute. Zufiriak 17 urtez azpikoen mailan jokatuko du; Iparragirrek, berriz, 15 urtez azpikoen mailan.