Mila metro karratu lau sailetan banatuta. Lehen sailean, norberak arraiztu behar zuen sega, ondoren, zorroztailearen laguntza izan zezakeen. Horrez gain, saila amaitu ondoren, epaileak ondo moztu gabeko belar izpiak markatzen zizkion segalariari, saila txukun amai zezan.
Hasieratik hartu zuen aurrea Julen Gabirondo urnietarrak. Mikel Lizartza tolosarra atzetik zuen, baina lehen sail horretan aldeak nabarmenak izan ziren. Ondoren, zertxobait gerturatu zen Lizartza, belarra txukun moztuz. Amaieran, ordea, Gabirondo gehiago izan zen.
Sailkapena:
- Julen Gabirondo: 37.27
- Mikel Lizartza: 40.07
- Jon Larrañaga: 65.33