Irurako eta Anoetako udalek uztailerako ekimen sorta antolatu dute ume eta gazteentzako, prebentzio komunitarioa egin eta esku hartze sozio-hezitzailea eta psikosoziala eskaintzen duen zerbitzuaren bitartez. Uztailaren 29an frontenis txapelketa egingo dute Irurako frontoian bi herrietako 15 eta 18 urte arteko nerabeek, 11:00etatik 13:00etara.
Frontenisa eginez elkartu eta ondo pasatzeko aukera izango dela jakinarazi dute antolatzaileek: «Jarduera fisikoa, lehiakortasun osasuntsua eta adiskidetasuna uztartuko dituen txapelketa izango da».
Izen emateak uztailaren 15a baino lehen egin beharko dira honako telefono zenbaki hauetan: 688 81 58 30 edo 688 81 52 26.