Bezperako erlojupekoan 16. izan zen Urkaregi, eta ez zegoen gustura emaitzarekin. Biharamunean, baina, arantza kentzea lortu zuen. Benjamin Noval asturiarra izan zen garaile, eta Urkaregi 4 minutu eta 23 segundora helmugaratu zen. Mario Cordero andaluziarra izan zen hirugarren.
Larunbatean ere, junior mailako emakumezkoen lasterketa jokatu zen. Maier Olano Zu-K Limousin taldeko txirrindulari tolosarra seigarren postuan helmugaratu zen. Bezperan jokatu zen erlojupeko proba, eta orduan ere seigarren izan zen Olano.
Igandean, berriz, nagusien mailako proba jokatu zen. Kern Pharma taldeko Unai Iribar ibartarrak eta Caja Ruraleko Gorka Sorarrain tolosarrak parte hartu zuten. Iribar 27. postuan helmugaratu zen; Sorarrain, berriz, 37. izan zen helmugan.