Nekazari eta abeltzainen sindikatuak lehenik eta behin, besarkada bat bidali die kalteak jasan zituzten guztiei eta bere laguntza eskaini die. Euren baliabide eta laguntza kaltetutakoen eskura jartzen duela esan du eta zalantzak argitzeko 943 65 42 81 telefono zenbakira deitzeko eskatu du.
Bestetik, erakunde publiko guztiei egin die dei –udaletxeak, Gipuzkoako Foru Aldundia eta Eusko Jaurlaritza–«ahalik eta azkarren konpontzeko suntsituta geratu diren errepide eta zonalde ezberdinak». Bizilagun eta baserritarrek jasan dituzten kalteak ekonomikoki babestu ahal izateko, aparteko diru laguntzak eta beharrezkoak diren erremintak modu erraz eta azkar batean martxan jar ditzatela ere eskatu du.