Esku pilota profesionalaren udako egutegia aurkeztu dute gaur Baikok eta Aspek. Bertan izan dira CaixaBank Mastersa jokatuko duten bikoteak, aurten inoiz baino kopuru handiagoan, izan ere, EPELek bi lehiaketa paralelo aurkeztu baititu: Serie Ako CaixaBank Mastersa eta Serie Bko CaixaBank Mastersa. Bi lehiaketak uztailaren 18an hasiko dira Barakaldon, eta finala irailaren 14an, Nafarroa Arenan, izango da Serie An kasuan, eta irailaren 13an Altsasun, Serie Bn kasuan.
Lau eta erdiko San Fermin Torneoak udako denboraldiari hasiera emango dio ostiral honetan Etxarri Aranatzen, eta, ondoren, San Fermin Torneoa, CaixaBank Mastersa eta La Blanca, Aste Nagusia, Donostia Hiria eta San Mateo torneoak etorriko dira.
CaixaBank Mastersa Serie A 2025ko bikoteak
- Altuna III – Imaz
- Artola – Martija
- Elordi – Albisu
- Ezkurdia – Iztueta
- Jaka – Zabaleta
- Larrazabal – Rezusta
- Zabala – Mariezkurrena II
CaixaBank Mastersa Serie B 2025ko bikoteak
- Agirre – Eskuza
- Dario – Eskiroz
- P. Etxeberria – Morgaetxebarria
- Peña II – Gabirondo
- Salaberria – Aranguren
- Senar – Tolosa
- Zubizarreta III – Bikuña
Jaialdietarako sarrerak entradasfronton atarian eskuratu ahal izango dira.