Larunbatean egin zuten Galdames Mendi Bira, 34 kilometroko proba, eta bertan izan zen jokoan taldekako Euskadiko Txapelketa. Emakumezkoetan zein gizonezkoetan Soronea-Ammma taldeak irabazi zuen txapelketa. Emakumezkoetan podiumeko lehen eta hirugarren postuak lortu zituzten taldekoek. Estel Roig kataluniarra izan zen probako irabazlea (3.22.56), bigarren Irune Velez de Mendizabal (Gaikar Zortzietakoak taldea, 3.38.20), eta segidan Ainhoa Garikano tolosarra (3.38.57).
Gizonezkoetan garaipena Asier Azkaraterentzat izan zen (Aiaramendi Korrikalariak taldea, 2.53.18), eta bigarren Oier Zubeldia amezketarra iritsi zen (Soronea-Ammma, 2.57.22). Hirugarren postua Ander Amonarrizentzat (Zanpatuz, 3.00.08) eta hiru segundo eskasera Iñaki Olano altzotarra (Soronea-Ammma, 3.00.11).