Horren harira, egun guztiko festa antolatu du Gipuzkoako Areto Futbol Elkarteak. Ligaren amaiera jokatu ondoren, Koparen lehiaketa antolatu dute, eta sailkapena nola geratuko den erabakiko da larunbatean.
10:00etan hasiko dira partidak, eta lehenengoan gazte mailako 5. eta 6. postuak erabakiko dira, Bidania-Goiatz eta Itsasondo artean. 11.00etan gazteen 3. eta 4. postuak izango dira jokoan, Errezil eta Betelu artean. 14:45ean gazteen finala, Berrobi eta Aizarnazabal herrien artean.
Hortik aurrera helduen partidak jokatuko dira. 15:30ean B kopako 3. eta 4. postuak, Itsasondoko Ijitok eta Arroa Behea artean. 16:30ean, B Kopako finala, Errezil eta Ikaztegieta aurkari. 17:30ean, A Kopako 3. eta 4. postuak, Leaburu-Txarama eta Itziar artean. 18:30ean, A Kopako finala Bidania-Goiatz eta Ikaztegietako Kutturru artean. 19:30ean, helduen nesken finala, Aizarnazabal eta Arroa Behea aurkari. Bukatzeko, 20:30ean, sari banaketa egingo da kirol munduko aurpegi ezagunekin. Arratsaldean zehar zozketa ere egingo da.