Jokin Altunak eta Iñaki Artolak Bilboko Bizkaia frontoian jokatuko dute partida. Jaialdia 17:00etan hasiko da, eta Jaka-Albisu eta Elordi-Martija bikoteen arteko partidaren ondoren jokatuko da finala.
Bi herrietatik autobusak antolatu dira Bilbora joateko. Amezketatik 10:000etan autobus bat aterako da eta 15:00etan bi pisuko autobus bat. Alegiatik 11:00etan hiru autobus aterako dira eta 15:00etan autobus bat. Alegian bertan, herriko plazan jarriko den pantaila erraldoi baten bidez, aukera izango da finala jarraitzeko.
Behin finala bukatuta, afaria antolatu da bai Amezketan eta bai Alegian, eta egunean zehar bizitako giro bereziak jarraipena izango du bi herrietan.
