Amezketako Larrunarri frontoian 18:30ean hasiko dira partidak. Amezketak Bergara hartuko du, eskuzko modalitateko final-zortzirenetako joaneko norgehiagokak jokatzeko. Alegiak Azpeitiaren aurka jokatuko ditu, eskuzkoan, final-zortzirenen kanporaketa. 19:00etan hasiko da joaneko jardunaldia Elorri pilotalekuan.
Tolosak gomazko paletan jokatuko du Herriartekoan, eta gaur hasiko da bere parte hartzea. Debaren aurka jokatuko du final-zortzirenetako kanporaketa, eta joaneko jardunaldia gaur jokatuko du, 19:00etan hasita Debako Aldats pilotalekuan. Ondoko pilotariak daude Tolosako taldean: Jon Aldazabal, Karim Laamirni, Unai Etxeberria, Odei Arregi eta Iñaki Arriola.