Asteasun, baserritarrak eskolako haurrekin topatu ditugu. Herri kirol erakustaldia antolatu diete txikienei, eta hauek gustura ibili dira jolasean. Zizurkilen, herri kiroletan, maila handiko kirolariak ibili dira: Ainitze Zumeta eta Maddi Gesalaga harri-jasotzen eta Joseba Otaegi eta Eneko Saralegi aizkoran.
Bi herri horietako baserritarrak ondoren bazkaltzera joan dira, Alkizan, Elduainen, Orendainen eta Berastegin bezala. Azken honetan, gustura dantzatu eta kantatu dute trikitilarien laguntzarekin.
