Herriarteko Txapelketaren final-hamaseirenetako itzulerako jardunaldiak jokatu dira asteburuan, eta eskuzko modalitatean Alegiak eta Amezketak aurrera egin dute. Amasa-Villabonak eta Adunak ez dute aukerarik izan kanporaketa gainditzeko.
Hain justu, Amezketak Amasa-Villabonaren aurka jokatu du kanporaketa eta 6-0 irabazi du orokorrean, itzulerakoan ere hiru partidak bereganatuz. Asteburuan kadeteek 22.20 irabazi dute, jubenilek 22-15 eta nagusiek 22-8. Asteburuan final-zortzirenetako kanporaketa hasiko du Amezketak Bergararen aurka.
Alegiak Oñatiri 5-1 irabazi dio orokorrean, itzulerakoan 1-2 gailenduz. Asteburuan kadeteek 7-22 irabazi zuten, jubenilek 7-22, eta nagusiek 22-12 galdu zuten. Alegiak orain Azpeitia izango du aurkari final-zortzirenetan.
Bere aldetik, Adunak zaila zuen joaneko 3-0ekoari buelta ematea Azpeitiaren aurka, baina partida bat irabaztea lortu zuen aurkarien etxean. Kadeteetan 11-22 irabazi zuten adunarrek, eta jubeniletan 22-4 galdu eta nagusietan 22-7 ere galdu.
Gomazko paletari dagokionez, Tolosa hasiko da parte hartzen asteburuan, eta Deba izango du aurkari final-zortzirenetan. Joaneko jardunaldia etxetik kanpo jokatuko du.