Eskualdeko bigarren pilotari bat izango da Buruz Buruko Pilota Txapelketako finalerdietan. Iñaki Artola alegiarrak txartela lortu du Peio Etxeberriari 22-14 irabazita final-laurdenetako ligaxkaren azken partidan, eta multzoko bigarren bezala igaroko da. Finalerdietan Larrazabalen aurka jokatuko du alegiarrak, igandean, Gasteizko Ogeta pilotalekuan.
Beste finalerdian Jokin Altuna amezketarrak eta Unai Lasok jokatuko dute. Larunbatean izango da partida hori, Donostiako Atano III.a pilotalekuan. Ikusmin handia sortu du neurketak eta sarrerak dagoeneko agortuta daude.