Brontzezko domina lortu du Inko Oruesagastik Espainiakoan

Ataria 2025eko apirilaren 16a

Inko Oruesagasti, eskuinean, brontzezko dominarekin.

Gimnastika erritmikoko Belabieta Kirol klubeko Inko Oruesagasti gimnastak brontzea lortu du banakako Espainiako Oinarrizko Txapelketan. Asteburuan izan da jokoan txapelketa, Guadalajaran (Espainia).

Oruesagastik 16,600eko puntuazioa lortu zuen. Lehen postuan Ximnasia Ritmica Compostela taldeko Cosme Gonzalez sailkatu zen, 17,850eko puntuazioarekin. Bigarren Lander Beramendi Donosti klubeko gimnasta izan zen, 17,000eko puntuazioarekin. Guztira 29 gimnasta aritu ziren lehian.

Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!


EGIN ATARIKIDE!