Estatu burujabe baten aldeko aldarria ekarri dute Tolosaldeko gazte independentistek Tolosara. Independentzia eguna ari dira ospatzen eta hasteko herrien arteko herri kirol desafioa egin dute Trianguloa plazan. Amasa-Villabona, Tolosa, Aduna eta Ibarrako taldeek hartu dute parte.
Eguerdian bermut politikoa egin dute eta trikipoteoaren ondoren bazkaritan bildu dira gazteak Alondegia plazan. Bazkalostean ekitaldi politikoa eta kontzertu akustikoa izango dituzte eta eguna borobiltzeko 21:00etatik aurrera Lapurdi plazan kontzertuak izango dira: Zilibito Records, Burutik eta DJ Adarrak.
