Atzo arratsaldean konturatu ziren falta zela eta gaur ekin dio Ertzaintzak bilaketari. Zizurkil eta Asteasu inguruko mendietan dabiltza bila.
Pertsona baten bila dabiltza Zizurkil inguruko mendietan. Ertzaintzak Tolosaldeko Ataria-ri baieztatu dionez, atzo arratsaldean jakinarazi zuten haren gertukoek bere desagerpena eta gaur goizean ekin diote bilaketari.
Desagertutako pertsonak bilatzeko unitatea dabil haren bila. Helikopteroak ere badabiltza Aiztondo inguruko mendietan. Ertzaintzak berak zabaldu duenez 51 urteko gizonezkoa da desagertutakoa. Lanerako arropa darama jantzita, jertse eta galtza urdinak eta kolore bereko txanoa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!