Jokatutako partida guztietatik bat berdindu du Bidania-Goiatzek, eta gainerako guztiak irabazi egin ditu, maila ikaragarria emanez. Lehia estuagoa izan da bigarren posturako. Itziar, Leaburu-Txarama eta Ikaztegietako Kutturru taldeak geratu dira, orden horretan, atzetik, eta jokoan euren arteko alde txikiak izan dira. Sailkapena Itsasondoko Ijitok taldeak itxi du. Aipatzekoa da liga honetan egon den maila, oso ona izan baita eta goi mailako norgehiagoka asko ikusi ahal izan dira. Taldeen arteko kiroltasuna ere aipatzekoa da, oso txartel gutxi ikusi baitira, eta bat bera ere ez gorria.
Sailkapeneko lehen lau sailkatuek A Kopa jokatuko dute orain, eta Itsasondokoek B Kopa jokatuko dute, datozen talde berriekin, talde berri bat baino gehiago izango baitira.